Интиқоли тобути 966 муҳоҷир дар як сол аз Русия ба Тоҷикистон

47


Дар соли гузашта аз Русия тобути 966 шаҳрванди Тоҷикистон, аз ҷумла муҳоҷирони корӣ оварда шудааст. Бар асоси як гузориши расмӣ, ки рӯзи 31-уми март дастраси Радиои Озодӣ шуд, баъзе аз ниҳодҳо “аз ҳолатҳои марги шаҳрвандони Тоҷикистон, аз ҷумла муҳоҷирони корӣ дар хориҷ аз кишвар” ибрози нигаронӣ кардаанд. Дар гузориш гуфта шудааст, интиқоли тобути муҳоҷирон дар соли гузашта аз Русия ба Тоҷикистон дар муқоиса ба соли 2017 беш аз 90 ҳолат зиёд аст. Ба ҳисоби мақомот, 25 нафари онҳо кушта шудаанд. Дар соли 2017 тобути 873 нафарро аз Русия оварда буданд.